(如果讀者覺得好看，希望能點讚、給點GP。謝謝。)
巴哈站內連載點︰
https://forum.gamer.com.tw/C.php?bsn=60154&snA=14562&subbsn=0&page=1&gothis=92880#92880
站外已完成連載，傳送門︰
紙言︰https://www.shikoto.com/i/8to
Penana︰https://www.penana.com/story/77244/我被困喺一架去九龍嘅電車上
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
13章 - 再求救
我即刻打電話搵阿芝，兩個大男人半夜三更搵女仔求救雖然好核突，但係呢個地方真係此地不宜久留，唔理得咁多。
嗶────
「喂？」同求先打俾阿偉唔同，阿芝好快就聽電話。
「阿芝，你而家喺邊呀？」
「求先出旺角，而家等車番屋企。」
咁佢即係喺九龍！
「阿芝，你可唔可以去九龍塘搵一架電車呀？」
「吓？九龍塘有電車？」
「大姐，唔好收線呀！」對住唯一嘅救命稻草，我苦苦哀求。
「阿仁，今日四月一日你同我講笑呀？好無聊喎，我唔夠瞓而家好躁呀。」
「我唔係講笑架！你真係唔好收線！阿偉都喺度架！」
我遞咗個電話俾阿偉。
「阿芝，九龍真係有電車架！我同阿仁落唔到車，快啲過嚟救我哋呀！」阿偉激動到個人震緊。
「你哋咁講都好，我好難信你哋喎。我都未聽過九龍有電車。」
我哋到琴日為止都唔信呀！
「你講，你哋喺邊度上車？」阿芝開始盤問我同阿偉。
「九龍塘。」阿偉答。
「我…係跑馬地上車…」我答。
「咩話？！原來呢架車係過海電車？！」阿偉控制唔到聲線，捉住我衫領講。「唔通你求先話等電車，就係等呢架車？！」
阿偉開始想打尻我，可能心諗︰我哋兩個人搞到咁就係因為我冇聽阿偉講去搭地鐵。佢目露凶光，我驚起上嚟。
「唔係呀我…」
「唔係？咁你做咩上嚟呀！」阿偉質問我。
「咁…正常人唔會覺得真係去到九龍架嘛，今日又係愚人節，唔通有架話去美國嘅巴士，我又信真係去到美國咩！」
「阿仁，你話你喺九龍嘅電車上面，證據呢？」阿芝講。「相都應該有一張掛？」
「係囉係囉，有圖有真相，影相。」阿偉個白痴執人口水尾講。
「我…我求先都影過呀…但係…」
「咩呀！有嘢就快啲講啦吞吞吐吐！」阿偉大吼一聲。
「但係…唔會見到我哋架！」
「唔明喎阿仁，咩意思呀？」阿芝要求解釋。
「屌…呢個咩地方嚟架！早知我唔應該出嚟！」
早知我唔會上車呀，有「早知」架咩？
「阿芝，我求先自拍過，電話好似永遠對焦唔到我咁樣！」我如實講。
「阿偉即刻試下！」
六神無主嘅阿偉跟住阿芝嘅命令，嘗試自拍一張。
「屌…真係喎…」發現畫面永遠睇唔清自己，不斷嘗試手動對焦嘅阿偉輕聲講。「阿芝，阿仁講得啱呀！真係永遠對焦唔到呀！」
「咁阿偉你之前有冇察覺電話有咩異樣？」
「冇喎…真係上咗車就所有嘢都唔同晒。」阿偉諗咗陣講。
「嘩，咁我唔嚟呀！」阿芝即刻劃清界線。「萬一我都落唔到車咁點算！咪三個人一齊奶嘢！」
阿芝好明顯比阿偉鎮定、睇穿陌生環境。
「阿仁…而家點呀…！！」
「阿芝，只要唔上嚟上層，就唔會落唔番去架啦！」我俾指示。
「係…係呀！阿芝你唔好上樓梯，記住唔好上樓梯，你留喺下層就冇事！我都係上咗上層先發覺有唔妥！」阿偉即刻附和。
「『唔妥』…係咩意思呀…？」身為女仔嘅阿芝，喺半夜嘅呢刻，對靈異字詞好似變得敏感。
「你唔上上層就得架啦！」
「阿仁，唔好岔開話題，我問有咩『唔妥』。」
「會…會…」
阿芝吞口水嘅聲大到我同阿偉都聽得好清楚。
「你會見到好多個鄧麗欣。」阿偉講。
「哦，鄧麗欣吓話？我係佢Fans呀！」
屌，都話唔係咁咯！
「唔係一個呀，係好多個一模一樣嘅鄧麗欣呀！」我補充，以免佢上嚟湊熱鬧。「你幻想一下︰有好多個好似複製人喺你身邊，走又走唔到，我哋好驚呀，上到電車上層仲有得再上，第三層仲有好多万刀甲呀！」我講。
「上層仲有得再上？！」阿芝反問。
「係呀！唔知點解落又去唔到底層，上又上唔到頂，好撚恐怖。你又上嚟上層，陣間又多一層好多個唐寧咁點算？」
「呢個我OK喎。」阿偉插嘴講。
屌你老母你收嗲啦，唔好喺度湊熱鬧！求先你打人打到呯呯聲呀！
「我…我唔嚟得唔得呀…？」阿芝嚇到尻縮。「我係女仔…而家又咁夜…不如你哋聽朝再求救啦…」
嘩屌，你好冇義氣呀！
「唔怕架！總之記住千祈唔好上上層，千祈唔好上上層，你一定落到車！」我拍心口講。
「頂你哋兩個…你梗係話唔怕…」阿芝猶豫緊。
「阿芝求吓你，你嚟啦！唔好上上層就冇事架啦！」阿偉補刀。
真係咁大個仔都未試過，要女仔半夜三更迎救自己。
「今日係愚人節，如果一陣你哋兩兜友話講笑，我唔會放過你哋！」
「好！記住唔好上上層！記住呀！」
「哦！」
阿芝收咗線，我同阿偉對望咗一下，驚魂未定嘅樣表露無遺。
死啦，唔記得叫阿芝唔好熄電話，唯有再打多次。
嗶─────
屌，阿芝做咩呀？又會唔接電話都有嘅？而家重要行動喎！
求先阿偉又係咁樣︰第一個電話一收，再打就打極都唔通；而家打咗第一個電話俾阿芝，一收，個電話又係打極都唔通…
「阿仁做咩呀？」見到我沉思嘅樣，阿偉問。「唔係又有咩事呀？唔好嚇我喎？」
阿偉真係驚緊。
「我喺度諗，阿偉你嚟咗咁耐，有冇人搵過你呀？」
阿偉打開電話查咗一下。
「冇喎。」阿偉答。
「咁最後一條記錄係咩時間？」
「咪係你搵我嗰次。」
「邊一次？」
我同阿偉今晚有過三次電話聯絡。
「你叫我出嚟嗰次。」
「…」
我個心…
完全靜咗。
「之後就冇人打過電話俾我。做咩呀，有咩發現？」
我終於都明。
我終於都明，點解電話再打唔通，點解阿偉會落唔到九龍嘅電車，點解佢同我一樣冇辦法自拍……
同埋，點解佢收唔到我最後一個電話。
「喺你部電話裡面，今日我同你有幾多次通話記錄？」
因為，我打俾一個，唔係眼前呢個阿偉嘅人。
「兩次囉。」
我望咗佢部電話一眼，開始放棄落車。
「嗯，冇嘢啦。」
眼前呢個阿偉仲想落車，係因為佢未察覺到有咩唔妥。
「阿仁，有新發現？」
「冇，我擔心阿偉咁夜未番去，有人會打俾你。」
「唔會啦，呢個時間所有人都瞓晒。」
「sorry呀阿偉，咁夜要你出嚟仲要搞咗壇咁嘅嘢出嚟。」
對唔住，阿偉…
「阿芝帶到我哋走，我番到去一定要瞓個靚覺。」
對唔住，阿芝…
「番到去你要請我哋食餐好呀！搞咗我哋咁耐！」
「嗯，我差你哋一餐。」
對唔住，所有嘢原來都係我嘅錯…
巴哈站內連載點︰
https://forum.gamer.com.tw/C.php?bsn=60154&snA=14562&subbsn=0&page=1&gothis=92880#92880
站外已完成連載，傳送門︰
紙言︰https://www.shikoto.com/i/8to
Penana︰https://www.penana.com/story/77244/我被困喺一架去九龍嘅電車上
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
13章 - 再求救
我即刻打電話搵阿芝，兩個大男人半夜三更搵女仔求救雖然好核突，但係呢個地方真係此地不宜久留，唔理得咁多。
嗶────
「喂？」同求先打俾阿偉唔同，阿芝好快就聽電話。
「阿芝，你而家喺邊呀？」
「求先出旺角，而家等車番屋企。」
咁佢即係喺九龍！
「阿芝，你可唔可以去九龍塘搵一架電車呀？」
「吓？九龍塘有電車？」
「大姐，唔好收線呀！」對住唯一嘅救命稻草，我苦苦哀求。
「阿仁，今日四月一日你同我講笑呀？好無聊喎，我唔夠瞓而家好躁呀。」
「我唔係講笑架！你真係唔好收線！阿偉都喺度架！」
我遞咗個電話俾阿偉。
「阿芝，九龍真係有電車架！我同阿仁落唔到車，快啲過嚟救我哋呀！」阿偉激動到個人震緊。
「你哋咁講都好，我好難信你哋喎。我都未聽過九龍有電車。」
我哋到琴日為止都唔信呀！
「你講，你哋喺邊度上車？」阿芝開始盤問我同阿偉。
「九龍塘。」阿偉答。
「我…係跑馬地上車…」我答。
「咩話？！原來呢架車係過海電車？！」阿偉控制唔到聲線，捉住我衫領講。「唔通你求先話等電車，就係等呢架車？！」
阿偉開始想打尻我，可能心諗︰我哋兩個人搞到咁就係因為我冇聽阿偉講去搭地鐵。佢目露凶光，我驚起上嚟。
「唔係呀我…」
「唔係？咁你做咩上嚟呀！」阿偉質問我。
「咁…正常人唔會覺得真係去到九龍架嘛，今日又係愚人節，唔通有架話去美國嘅巴士，我又信真係去到美國咩！」
「阿仁，你話你喺九龍嘅電車上面，證據呢？」阿芝講。「相都應該有一張掛？」
「係囉係囉，有圖有真相，影相。」阿偉個白痴執人口水尾講。
「我…我求先都影過呀…但係…」
「咩呀！有嘢就快啲講啦吞吞吐吐！」阿偉大吼一聲。
「但係…唔會見到我哋架！」
「唔明喎阿仁，咩意思呀？」阿芝要求解釋。
「屌…呢個咩地方嚟架！早知我唔應該出嚟！」
早知我唔會上車呀，有「早知」架咩？
「阿芝，我求先自拍過，電話好似永遠對焦唔到我咁樣！」我如實講。
「阿偉即刻試下！」
六神無主嘅阿偉跟住阿芝嘅命令，嘗試自拍一張。
「屌…真係喎…」發現畫面永遠睇唔清自己，不斷嘗試手動對焦嘅阿偉輕聲講。「阿芝，阿仁講得啱呀！真係永遠對焦唔到呀！」
「咁阿偉你之前有冇察覺電話有咩異樣？」
「冇喎…真係上咗車就所有嘢都唔同晒。」阿偉諗咗陣講。
「嘩，咁我唔嚟呀！」阿芝即刻劃清界線。「萬一我都落唔到車咁點算！咪三個人一齊奶嘢！」
阿芝好明顯比阿偉鎮定、睇穿陌生環境。
「阿仁…而家點呀…！！」
「阿芝，只要唔上嚟上層，就唔會落唔番去架啦！」我俾指示。
「係…係呀！阿芝你唔好上樓梯，記住唔好上樓梯，你留喺下層就冇事！我都係上咗上層先發覺有唔妥！」阿偉即刻附和。
「『唔妥』…係咩意思呀…？」身為女仔嘅阿芝，喺半夜嘅呢刻，對靈異字詞好似變得敏感。
「你唔上上層就得架啦！」
「阿仁，唔好岔開話題，我問有咩『唔妥』。」
「會…會…」
阿芝吞口水嘅聲大到我同阿偉都聽得好清楚。
「你會見到好多個鄧麗欣。」阿偉講。
「哦，鄧麗欣吓話？我係佢Fans呀！」
屌，都話唔係咁咯！
「唔係一個呀，係好多個一模一樣嘅鄧麗欣呀！」我補充，以免佢上嚟湊熱鬧。「你幻想一下︰有好多個好似複製人喺你身邊，走又走唔到，我哋好驚呀，上到電車上層仲有得再上，第三層仲有好多万刀甲呀！」我講。
「上層仲有得再上？！」阿芝反問。
「係呀！唔知點解落又去唔到底層，上又上唔到頂，好撚恐怖。你又上嚟上層，陣間又多一層好多個唐寧咁點算？」
「呢個我OK喎。」阿偉插嘴講。
屌你老母你收嗲啦，唔好喺度湊熱鬧！求先你打人打到呯呯聲呀！
「我…我唔嚟得唔得呀…？」阿芝嚇到尻縮。「我係女仔…而家又咁夜…不如你哋聽朝再求救啦…」
嘩屌，你好冇義氣呀！
「唔怕架！總之記住千祈唔好上上層，千祈唔好上上層，你一定落到車！」我拍心口講。
「頂你哋兩個…你梗係話唔怕…」阿芝猶豫緊。
「阿芝求吓你，你嚟啦！唔好上上層就冇事架啦！」阿偉補刀。
真係咁大個仔都未試過，要女仔半夜三更迎救自己。
「今日係愚人節，如果一陣你哋兩兜友話講笑，我唔會放過你哋！」
「好！記住唔好上上層！記住呀！」
「哦！」
阿芝收咗線，我同阿偉對望咗一下，驚魂未定嘅樣表露無遺。
死啦，唔記得叫阿芝唔好熄電話，唯有再打多次。
嗶─────
屌，阿芝做咩呀？又會唔接電話都有嘅？而家重要行動喎！
求先阿偉又係咁樣︰第一個電話一收，再打就打極都唔通；而家打咗第一個電話俾阿芝，一收，個電話又係打極都唔通…
「阿仁做咩呀？」見到我沉思嘅樣，阿偉問。「唔係又有咩事呀？唔好嚇我喎？」
阿偉真係驚緊。
「我喺度諗，阿偉你嚟咗咁耐，有冇人搵過你呀？」
阿偉打開電話查咗一下。
「冇喎。」阿偉答。
「咁最後一條記錄係咩時間？」
「咪係你搵我嗰次。」
「邊一次？」
我同阿偉今晚有過三次電話聯絡。
「你叫我出嚟嗰次。」
「…」
我個心…
完全靜咗。
「之後就冇人打過電話俾我。做咩呀，有咩發現？」
我終於都明。
我終於都明，點解電話再打唔通，點解阿偉會落唔到九龍嘅電車，點解佢同我一樣冇辦法自拍……
同埋，點解佢收唔到我最後一個電話。
「喺你部電話裡面，今日我同你有幾多次通話記錄？」
因為，我打俾一個，唔係眼前呢個阿偉嘅人。
「兩次囉。」
我望咗佢部電話一眼，開始放棄落車。
「嗯，冇嘢啦。」
眼前呢個阿偉仲想落車，係因為佢未察覺到有咩唔妥。
「阿仁，有新發現？」
「冇，我擔心阿偉咁夜未番去，有人會打俾你。」
「唔會啦，呢個時間所有人都瞓晒。」
「sorry呀阿偉，咁夜要你出嚟仲要搞咗壇咁嘅嘢出嚟。」
對唔住，阿偉…
「阿芝帶到我哋走，我番到去一定要瞓個靚覺。」
對唔住，阿芝…
「番到去你要請我哋食餐好呀！搞咗我哋咁耐！」
「嗯，我差你哋一餐。」
對唔住，所有嘢原來都係我嘅錯…
