Ū tsít kang, tsít ūi lāu thài thài tī lōo lín leh kiânn ê sî tsūn, hōo tsít ê tshīng kah phuà phuà nuā nuā ê khit tsia̍h tòng lóh lâi, hit ê khit tsiáh án ne tuì i kóng "Ueh, hit pîng ê lāu tsa bóo, hènn, tióh sī lí, lí kám tsai iánn guá sī lí tsîng sì lâng tshī ê hóh? Hit tang tsūn lí tsin hó giáh, kā tng tong sî sī hóh ê guá sīng kah m̄ sī khuán, tsiah ē hāi guá tsit sì lâng kuè tsit tsióng liáu jiân ê jîn sing. Lí ài hū khí tsik jīm!"
Lāu thài thài thiann liáu í āu tshuah tsít tiô, má siōng sûn mn̄g kóng "Tsin tsiànn tsiok pháinn sè, guá ìng kai án nuá tsò tsiah thang hó póo siông lí ê sún sit leh?" "Ták kò guéh hōo guá tsha put to lák bān ìng kai ē sái." Khit tsiáh kìng jiân iau kiû hiah nī kuân ê kim giáh. "Hó, guá liáu kái ah." Lāu thài thài tsiū án ne tsiap siū liáu jû tshú bô háp lí ê iau kiû.
Kut nā tang āu, lāu thài thài hui siông hùn nōo ê tsáu khì lút su hia. I khiā tī lút su thâu tsîng, siūnn beh kóng siánn mih, iá m̄ ko bák sái suah sing uì bák tsiu lâu lóh lâi. "Thài thài, huat sing siánn mih tāi tsì? Kám ū su iàu tàu sann kāng?" Lút su tshin tshiat ê án ne mn̄g lāu thài thài. "Guá hông phiàn ah." Lāu thài thài bák sái ná tih, ná kā kut nā tang tsîng tī lōo lín tú tióh khit tsiáh ê tāi tsì tsuân pōo kóng hōo lút su thiann. "Guân lâi sī án ne," lút su ná tìm thâu, ná mn̄g "nā án ne, uī hô lí hiān tshú sî tsiah huat hiān lí hông phiàn leh?"
"Tsîng kuí kang, guá tsò bîn bāng ê sî, khuànn tióh tsít ê lāi té té tsít tsiah tōng bút ê láng á," lāu thài thài khai sí kóng "guá siūnn kóng kám kóng guá ē sái khuànn tióh tsîng sì lâng tshī ê hóh ah, sóo í kín uá khì khuànn, kiat kó kìng jiân sī tsít tsiah ku! Jî tshiánn koh sī tsít tsiah n̂g kim ku, m̄ sī hóh!"
創作內容
[台文] 即擺換台語
讀書心得、雜感 (47)