(如果讀者覺得好看，希望能點讚、給點GP。謝謝。)
巴哈站內連載點︰
https://forum.gamer.com.tw/C.php?bsn=60154&snA=14562&subbsn=0&page=1&gothis=92880#92880
站外已完成連載，傳送門︰
紙言︰https://www.shikoto.com/i/8to
Penana︰https://www.penana.com/story/77244/我被困喺一架去九龍嘅電車上
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
巴哈站內連載點︰
https://forum.gamer.com.tw/C.php?bsn=60154&snA=14562&subbsn=0&page=1&gothis=92880#92880
站外已完成連載，傳送門︰
紙言︰https://www.shikoto.com/i/8to
Penana︰https://www.penana.com/story/77244/我被困喺一架去九龍嘅電車上
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
4章 – 電車悖論
成日聽巴士鬼故，不論司機定乘客都好多貨，一講可以講幾個鐘。比較經典嘅係司機唔好數尾班車人數、有過車禍嘅地方切勿久留。乘客方面…
「咕嚕。」我吞咗一下口水。
死火，我犯咗一個乘客嘅禁忌︰唔好認乘客嘅樣。
點算…
但係諗深一層，冇可能架喎。同一個人，明明喺上一站上咗車，佢冇落過車，咁一式一樣衣著，連相貌都一樣嘅人，又點樣再上多次車？佢重新上車我實見到啦，我坐下層冇死角位喎，而家係冇人落過車喎。
佢地係孖生姐妹？許志安同杜德偉咁上下嘅關係？
都冇可能，會連衣著都一樣？而且弔詭到前後站上車喎！正常人都唔會同識嘅人前後站上車啦！
「屌，咁佢兩個係咩人？」
愈諗愈覺得冇可能。
反正佢兩個都喺上面，我又未落得車，而且佢地都幾靚呀，不如上去睇下？
一直企喺度嘅我，終於往身邊嘅樓梯，邁出步伐。
咯－咯－咯－
幾級樓梯，我懷住既興奮又心驚嘅心情，拾級而上。
咯－咯－咯－咯－
我慢慢上到上層，戒備住嘅心情，冇眨過嘅雙眼。果然見到求先上嚟嘅靚女。長直髮加上有啲緊嘅白裇衫，黑色套裝裙，平凡嘅嘢喺佢身上就會變得唔平凡。
我一上到上層，我哋對望咗一下。佢坐喺一個直排嘅木凳，旁邊有另一個完全一樣衣著嘅人，望住後窗，好似享受緊睇唔到乜嘢嘅車外夜景。
「咕嚕。」我又吞咗一啖口水，慢慢走去上層後坐，佢地對面嘅一個空位。
咯－咯－咯－咯－咯－咯－
「先生，做咩啫，咁樣望住我。」坐前面好似鄧麗欣嘅物體同我講。
「你係咪姓鄧架？」我望住後面冇開口而一直望住窗外嘅背影，同前面嘅人講。
「成日都有人咁樣問我架，話我好似一個明星。」
唔係鄧麗欣本人又有佢咁嘅樣，即係佢係某個外國人？佢識講中文架咩？
「但係我唔係佢。」
「想問一下，旁邊嗰位小姐，你識唔識佢？」我坐咗去佢哋對面嘅位問。
「曾經，唔係而家。」佢講。
「咩『曾經識佢，唔係而家識佢』呀？小姐，你明唔明我問乜？」
如果唔係佢靚女，我諗我已經一拳中咗落去。
「你問我哋識唔識呀嘛？」
「係呀，咁你地識唔識？」
我一直望住坐最後嘅女人，佢明明聽住我哋問佢嘅嘢，但係一直冇反應，異常淡定。
「有人問我哋喎。」坐前面嘅女人，拍咗一下坐後面嘅女人。「小姐，我哋識唔識架？」
呢個問法本身已經相當詭異，再一下幕，係詭異到…我唔知從何說起。
坐最後嗰個，終於擰轉頭。
「先生。」
屌…holy…
「你搵我？」
真係一模一樣嘅？中間冇鏡呀？動作都唔係完全一樣，但係點解好似倒模咁樣嘅？
我喺心裡面，叫坐前面嘅女人做「鄧一」，後面嗰個就係「鄧二」。
「我好似唔識你。」鄧二同我講。「都好似唔識你。」鄧二同鄧一講。
「係囉，我都唔識你。」鄧一附和。「哎呀，我哋咁似樣嘅？原來呢個樣咁普通架咩？」
「係囉，點解嘅。對面嗰位先生，點解我哋咁似樣嘅？哈哈哈。」
我望住兩個一模一樣嘅人對住我笑，唔係佢哋笑得唔好睇，係種感覺太怪，認知上理解唔到。
「屌，都痴撚線架！」
我喺上層大叫出聲，前面嘅乘客一齊回頭望住我。
「呀呀呀呀呀呀───！！！！」
