今仔日欲開箱个物件是S&T sak个罕見款AEG－L34A1衝鋒銃
kin-á-ji̍t beh khui siunn ê mi̍h-kiānn sī S&T sak ê hán-kìnn khuán AEG－L34A1 tshóng-hong-tshìng
會買這支是有受著Rainbow Six个影響拉,我家己是足愛耍Frost,尤其是伊个人tauh仔,
ē bé tsit-ki sī ū siū-tio̍h RAINBOW SIX ê íng-hióng la̍h,guá ka-tī sī tsiok ài sńg Frost,iû-kî sī i ê lâng-tauh-á
毋知用彼个物件tng死偌濟人.毋過伊用个是CANADA个版本,我這支是消音版
m̄-tsai iōng hit-ê mi̍h-kiānn tng sí guā-tsē lâng,m̄-koh i iōng ê sī CANADA pán-pún,guá tsit-ki sī siau-im pán
會買這版个原因是..L2A3聽講有可能出現gá-suh个版本..這支..有就好矣..閣欲嫌咧..
ē bé tsit-pán ê guan-in sī..L2A3 thiann-kóng ū-khó-lîng tshut-hiān ga-suh ê pán-pún..tsit-ki..ū tiō ho-ah..koh-beh hiâm leh..
==========================================
首先是箱仔siú-sian sī sionn-á
拍開phah-khui
內容粅：銃本體X1 / 說明冊 / 廣告DM / 110發个銃子篋仔X1
lāi-iông-bu̍t：tshìng pún-thé X1/sueh-bîng-tsheh/kóng-kò DM/110 huat ê tshìng-tsí-kheh-á
m..這擺無付一支銃托予我
m....tsit-pái bô hù tsi̍t ki tshìng-thok hōo guá
共銃提出來,提了共銃床展開而且共篋仔裝去入
kā tshìng thê tshut-lâi,liáu-āu kā tshìng-tshn̂g tián-khui jî-tshiánn kā kheh-á tsng khì-ji̍p
規支銃个銃身包括篋仔,除去下跤,攏是鋼个,會當共吸鐵吸牢牢
kui-ki tshìng ê tshìng-sin pau-kua kheh-á,tû-khì ē-kha ,lóng sī kǹg ê,ē-tàng kā khip-thih khip tîau-tiâu
電池愛鬥佇銃頭遮,毋過我个電池攏膨龜去矣..無電池會當囥內底
tiān-tî ài tàu tī-tsia,m̄-koh guá êtiān-tî lóng phongku khì-ah..bô tiān-tî ē-tàng khǹg lāi-té
看銃星佮照門.
khuànn tshìng-tshenn kah tsiò-mn̂g
銃星是燒佇má-mū-lah頂懸.
tshìng-tshenn sī sio-tī má-mū-lah tíng-kuân
近近去看,除去一字型,無啥物特別.
kīn-kīn khì khuànn,tû-khì it-jī-hîng,bô siánn-mih tik-pia̍t
照門就較特殊矣,有兩種型,
tsiò-mn̂g tiō khah ti̍k-sû ah,ū nn̄g-tsióng hîng
一種是定定會看著个,一種是表面攏是孔
tsi̍t-tsióng sī tiānn-tiānn ē khuànn tio̍h ê,tsi̍t-tsióng sī piáu-bīn lóng sī kháng
攏是孔个有伊个優點,就是照準个視野有khah闊
lóng sī khang ê ū i-ê iu-tiám,tiō sī tsiò-tsún ê sī-iá ū khah khuah
![]()
照準器看了tsiò-tsún-khì khuánn-liáu
這馬來看銃身个鋩鋩角角tsit-má lâi khuànn tshìng-sin ê mê-mê-kak-kak
安全裝置佮現代銃無仝,是反過來个, 講實在个....無講足好扳,扳起來真食力
an-tsuân tsong-tì kah hiān-tāi tshìng bô-kâng,sī píng kuè-lâi ê..bôkóng tsiok hó pan,pan khí-lâi tsin tsia̍h-lat
![]()
銃把个角度佮現代銃嘛無仝,khah斜 tshìng-pé ê kak-tōo kah hiān-tāi tshìng mā-bô kâng,khah tshua̍h
篋仔嘛有刻字kheh-á mā-ū khik-jī
HOP-UP愛對遮撨 HOP-up àituì tsia tshiâu
搝仔佮RK95仝款-撬45度 giú-á kah RK95 kâng-khuán - khiau 45-tōo
尾仔看銃床,má-mū-lah,護木bué-á khuànn tshìng-tshn̂g,má-mū-lah
護木是柴頭做个,中間彼个挖掉个部分是用來固定拗過去个銃床
hōo-bo̍k sī tshâ-thâu tsò ê,tiong-kan hit-ê óo-tiāu ê pōo-hūn sīiōng-lâi kòo-tīng áu-kuè-khì êtshìng-tshn̂g
銃床是會當拗折个tshìng-tshn̂g sīē-tàng áu-tsik ê
展開个銃床比這馬个銃閣khah長tián-khui ê tshìng-tshn̂g pí tsit-má ê tshìng koh-khah tńg
má-mū-lah个前頭是會當撚落來má-mū-lah ê tsiân-thâu sī ē-tàng lián lo̍h-lâi
內底攏是棉花,雖然我感覺無啥物路用..畢竟毋是真个銃
lāi-té lóng-sīmî-hue,sui-jiân guá kám-kak bô-siánn-mih lōo-iōng..pit-kìng m̄-sī tsin ê tshìng
我這馬咧想敢有可能共伊改做發光器.
guá tsit-má leh siōnn kám ū khó-lîng kā i kái-tsò huat-kong-khì
==============
對銃外觀个REVIEW差不多到遮就結束矣
tuì tshìng guā-kuan ê review tsha-put-to kàu tsia tiō kiat-sok ah
我對電銃个構造嘛無講足有研究
guá tuì tiān tshìng kòo-tsō mā bô-kóng tsiok ū gián-kiú
所以就無拍算去剝銃矣
sóo-í tiō bô phah sǹg khì pak-tshìng ah
最後來總結優點佮缺點
tsuè-āu lâi tsóng-kiat iu-tiám kah khuat-tiám
優點：iu-tiám
1.以收藏這个觀點來講..價數有夠俗
í siu-tsông tsit-ê kuan-tiám lâi kóng..kè-siàu ū-kàu sio̍k
2.全鋼
tsuân kǹg
3.好看兼罕見
hó-khuànn kiam hán-kìnn
缺點khuat-tiám
1.囥電池个空間khǹg tiān-tî ê khong-kan
2.篋仔足歹買,而且無大跤个版本kheh-á tsiok pháinn bé,jî-tshiánn bô tuā-kha ê pán-pún
3.銃床傷長,我是標準个亞洲人體型,托起來誠無爽快
tshìng-tshn̂gsionn tńg,guá sī piau-tsún ê a-tsiu lâng thé-hîng,thok khí-lâi tsiânn bô sóng-khuài
4.邊仔插个結構,重心偏一邊
pinn-á-tshah ê kiat-kòo,tiōng-sim phian tsi̍t-pinn
創作內容
S&T Sterling L34A1 開箱文（草稿）
SF (4)