喜歡自己

reasons why i like/love myself 喜歡/愛自己嘅理由

1. You still love the world 你仍愛世界，卓韻芝、盧凱彤結婚，你會高興。關心少數族裔—窮人、同性戀、黑人(不…唔太。Toni Morrison書囉。The Color Purple囉…黑人都okay嘅。可能佢地個樣有啲似壞人啩？！)。有愛心

2. 你善良，基本上。唔會傷害人，最多係口頭上(似乎已夠麻煩了，哈哈)

3. 你唔放棄…唔甘心。想做最好嘅自己

---------------

friends are just friends 朋友就係朋友。我地會嘗試包容朋友，因為佢地都努力包容我地。除左保持舊朋友關係外，或者都係時候改變下自己，譬如話，自己成個人可以少甜啲(add a little sugar)。我睇到嘅外在世界，某程度上，係我嘅內在世界。i am what i see. 兩個世界，仍然令我討厭。you need to pull yourself together 你要重整旗鼓。可以幫你嘅人，從來只有自己。最知你發生乜野事嘅人，只有你。你嘅頭條新聞，只有你最關心，屋企人都會關心嘅。

你做事，有你嘅原因，只係你懶去解釋。只係，你覺得睇唔穿嘅人，就唔需要睇得穿。而偏偏，心思如此敏銳嘅人唔同你一齊。你錯過真正在意你嘅人。何妨講多一、兩句，補充自己，等自己融入群體？「你的完美有點難懂並不代表世界不能包容」。唔該你試下。

若然闡述時，口窒窒或情緒激動又如何，並唔係世界末日呀！你終究都會返黎依個點，終究都會行依一步。行一步；退半步；不進不退；還不如打退堂鼓喇。你嘅思緒、行為將會蕩來蕩去。正題︰如果覺得同部分人相處好花力氣，不如小休一下。每半年/一年，相聚便好。keep relationships 保持聯絡，我想做嘅事。同時，留意佢地會唔會主動搵你。假如從來沒有，why bother chase after them？點解要好似狗仔一樣追住佢地？貶低自己。you deserve to be in this world 你值得喺世上有一席位。一早已留左位比你(笑)。你有存在價值，值得被愛。