呢幾日,有久違嘅感動。世界仍有樂事。Love is love(愛,就係愛)。講嘅係盧凱彤。我地係同齡人,我特別關心同輩嘅生活發展。佢喺台灣金曲獎頒獎典禮「出櫃」,兼宣布同當地著名攝影師結左婚。我覺得蠻驚訝,無諗過佢鍾意女仔,一黎就已經成婚添。所以呢,佢移居台灣……
盧凱彤之前有情緒病。佢嘅症狀、佢話呢個病令佢要面對最黑暗嘅自己。佢講起自己有首歌〈29歲的遺書〉。講佢步入30大關(奔3)。我有共鳴。佢父母又有一定年紀。
盧話︰
曾經有位智慧朋友跟我說,人到頭來最重要的不是你選擇什麼工作,或賺幾多錢,寫的歌流不流行,而是你想成為一個怎樣的人,再從這個方向發展,才知道自己想走什麼路。
做盧唔易,每個人都有佢嘅難處(我睇唔到嘅)。盧人緣幾好,由報紙訪問可以知道,佢同過唔少一線音樂人合作,得到唔少工作機會……唔少人都錫佢。相信佢都付出左唔少,因而有回報。佢勇敢直視頑疾,企出黎認愛,做少數族裔唔容易。大概佢比左啲鼓勵我—愛上自己嘅不完美、相信愛。