厠所靈異事件
繼房間開遮事件之後,今次主角又係我太太
事發三年前,大年初三晚上,大埔某個燒烤場
既如以往,每年年初三,外家會約晒啲子子孫孫聚會,當晚揀咗去大埔某個燒烤場,一行廿人左右
去到好熱鬧, 人多, 又因為過年,有舞獅表演
其間太太想去厠所,我二話不說陪佢
如果去過嘅師兄師姐都知,嗰到啲厠所一排過,有5格左右
去到要排隊,排嘅方式係每格一條隊
太太排大概右邊第二格,而我排第三格
右邊第二格有人出來,太太好自然行前開門
我見佢一開門好慌張咁又關門轉身向住我方向行
而排第一格有另一女仔見我太太無入 想行入第二格
我太太即時同個女仔講 "厠所有人"
個女仔用好懷疑嘅眼光望住太太, 但最終都無入第二格,行返秘一格繼續等................
而我太太就面青青咁拉住我行返較多人嘅地方同我講.....
剛才開門見到一個外型似啞婆,著住唐裝初,DUP底頭,動作好似去緊厠所咁
當時我太太捉住我隻手,佢一邊講一邊震晒,面都白晒
我當時同太太講,可能"佢"住呢到,無心嚇人
等太太定咗神,不如去返嗰格厠所出面講聲對唔住,再去舞獅子嗰面沾下啲旺氣
太太照做,而舞獅完咗,我叫太太摸下個獅頭因為一舨獅子都會開光貼符
之後太太去埋厠所繼續燒烤,成晚再無事發生
其實我太太自細都成日FEEL到 但第一次見到
如果大家有興趣,講多幾個佢嘅親身經歷俾大家聽