咁講番正題先,話說我細細個,應該大約6-8歲度啦,咁個陣我就係到喊,我都唔記得係因咩事而喊,不過應該都係扭計個啲啦!咁我係到喊緊,咁我老豆就哄我,正當我用手抹眼,突然就係個一煞那,我見到有啲白白哋,灰灰哋,係有啲透明嘅感覺嘅野勁快閃過。我個時細個唔識驚,仲大大聲同老豆講:老豆頭先有啲野好快咁飄過,係咪鬼黎㗎?咁我老豆就笑笑口咁講:鬼!有爸爸係到,爸爸咁大隻,哈哈哈!咁我個時因為細細個嘅原因,冇諗咁多。
第二件屋企發生嘅怪事就係發生係近排,就係話說有一次我夜晚去刷牙,冇記錯個日都係夜晚凌晨12點幾過後㗎喇,咁我刷刷下牙,係到照下鏡,整下啲頭髮咁個啲突然感覺到有啲野係廁所門口飄過,由於我廁所出面就係廚房,開頭我以為係啲頭髮影響,但因為我本身都信呢個世界有鬼呢樣野,所以我就嘗試重複頭先嘅動作,但又冇再出現頭先嘅現象,跟著我係廁所搞埋啲野就行出廁所同呀媽講,因為我呀媽都信呢尾野,所以就叫我唔好講。成件事就咁完結咗,而我都冇再理到。
咁今日吧分享就去到咁多,希望大家鍾意睇啦!
創作內容
真人真事-屋企怪事
畫~~ (19)