主題

來去日本網站買冊買書買獨立/同人ACG啦!(2022 - 日英語平台紹介、論台日作品)

Áikhùn細隻龜*台文 | 2022-07-04 08:01:09 | 巴幣 6 | 人氣 157


《國家語言發展法》,台灣各族語是國語(進行中)若指 Mandarin,中(国)語、華語、中文。「台灣是個獨立國家,名字叫中華民國」?(2021停更主頁為準,有當時的圖文漫畫啦)


這篇是探討日本網站(Dlsite、Ebook Japan
、Bookwalker)、英語網站(bookshop.org、Scribd Alternatives、Amazon 等)買冊/觀察經驗,以下 全論電子冊+小部份實體冊。

原底是想講寫 Dlsite 部份著好(頭一改買有影是成就),beh 寫進前雄雄想著 Google 看 PTT 咁有人討論結果 簡單看上新一篇是 2009年,這真正真使人好奇,siáng 知 繼續查落無簡單,一 ē 看意識著日本、美國 īn 網路出版業相關平台 ē 意識、策略(消費者優惠) kah 台灣 ē 差異。

簡單講我發現 日本出版平台 無親像 台灣會有外國翻譯等冊濫做伙賣,日本有平台是有辦法
專營日本創作者」作品,ah 連專營「日本創作者作品」平台內閣會去分「ACG類」、「世俗(論各主題)類」等(這走尋欄 leh 尋作品時著會發現)

這台灣大站是無--ê(CCC創作集這台漫平台是「政府」認證過看免錢,
無直接負責,單位是建議直接去北車附近「台漫基地」買),專賣出版規模--ê,博x來、讀冊生活(úi 博x來 分家--ê,二手友善)灰熊愛讀書、金石堂等更加免講,攏無(小站有,親像 台灣同人誌中心,另外是日本同人平台支援 ē 虎之穴

希望台灣啞會有專營台灣創作者作品 ē 平台--ah。

Dlsite同人/獨立製作各向遊戲漫畫為主(基本上世界作者,日本為主)+部份日本創作者出版品,部份會鎖IP無法買所以愛去別站,台灣使用是信用卡一定愛,例外是語言轉英語用 Paypal 買點數,優惠不時有全站-18%、-15%這種到特定類型半價 siàⁿ--ê。



Ebook JapanACG相關出版品,這平台好是試看
(增量),若有活動 系列作品 有辦法 限時看 kah 一卷(一本)!台灣 beh 用是無法度,需要日本手機仔號碼才通註冊,首買五折有,所以咱閣後一站。




Bookwalker專營日本作者包括出版ACG,外語翻譯作品卡無,試讀活動有辦法直接讀一半(試讀我是以 Ebook Japan 為主,會有例外是好比較啦),這台灣是好用信用卡、簽帳卡/Debit card+Paypal等方法來買,首買是5折退點數愛期限內買。



補充 マンガクロス 這網站會定期更新各種正版新作、試讀等,印象中這種類似--ê 真chē--lah,閣有 マンガPARK



資料來源有關實體、電子冊部份我是參考 ,Amazon Japan、Honto、紀伊國屋平台等,這部份網站著無限定一定是「日本創作者作品」,翻譯類等有。




另外資料來源:JPN - Surround Yourself with Japanese: e-books

結論是日本賣冊平台真競爭,優惠一直有(?)
講著這競爭問題,英語有平台理念是講「直接 kah 冊店買」,親像這 bookshop.org,伊無講我 m̀知 原來美國有6成冊人是 leh Amazon 買--ê。



Ah 當然這平台會卡貴幾箍是有影,而且大部份限實體,咱台灣這款平台咁 mà 會有?

有關 Scribd Alternatives 這是,意外發現有這平台 Scribd,講是電子冊 ē Netflix,我是無介了解--lah(著,英語冊單少,主要有關歷史、社會自由等,平常 Youtube 等是有夠看--ah),若閣愛卡細膩用--ê,這 PDFDrive 應該是有夠看--ah,我馬偕百年前寫台灣 ē 冊 tò 尋有--neh。


------以下是正文論台日作品+頂koân文 寫冊店網站結論過程------


最近 tu 畢業,半出社會(非社畜),尾款總算來--ah。

Ah 領--ê 是外票+意外用 Paypal 收款,開始 leh 想無信用卡 Dlsite 遊戲咁有法買...(Visa金融卡/Debit卡官網是講無支援,無,台新Richart 對學生是真好辦,台文開戶讚)



有法度!英語版愛切 Dlsite 點數才買有。




其實買點數絕對 m̀是 好方法,買進前是愛 kà 愛買--ê 鬥 kah 接近整數,原本想講買 1000 著好最後啞是殘殘 2500 買落(美元開 20),其實會買有影是受著 6/28梅雨後好日 特賣 -18% 影響,頭一改買是真 tiūtû--neh(今是有另外 -15% 特賣到 7/6號,講實在 Dlsite 咁會直直特價?)

另外我有講 Paypal,這台灣基本是無法用狀態。


(親像這種 COUPON,這是大梅雨特賣)

Ah 我有影為著愛鬥這 550円(-18%)kà Dlsite一般向 作品用價數篩 500~1000--ê 來看,最後是看 kah 83頁,做這代誌進前我是有發現 īn 日本時行 manga 通常是會賣 462円(進巨這種規格),另外一款是 660円 (ゆるキャン△ 這種,次熱門?),若卡無銷--ê(?)會賣 550円。

這83頁區間看落來有影是有心得,親像我發現 日漫(man) 有 真chē真chē,料理作品,台灣攏看無,有影真正意識著 真chē 作品台灣是看無--ê。


(最近幾工仔看發現有趣味--ê,a
h 個人日語險仔過N2,考試向聽解無準備無法度差13分門檻過 ah 大概看有...學日語輸入法愛先學!若對動漫畫表現有興趣尾仔是好去看 JUMP COMICS CHANNEL、類似這款鬼仔古--ê mà 中武優の不思議な館 無著卡細膩去看--ê Animelon,看咱 siaⁿ款有興趣看會落著去看--lah,另外日語--ê 科普 Maker台 咁有我是 m̀知,教畫圖--ê 有這我知

雖講我無興食 ah 我 mà 開始想咱台漫 ē 料理漫畫是,想無(?)
簡單 Google 這篇 soah 感動發現:漫畫評論》美食漫畫的台灣,與台灣的美食漫畫



另外若講著台漫產業現狀,中殖害台漫這一定愛記、愛kiāu、愛怒。


完整版:《單元一》#臺灣尪仔冊_失蹤記

當然咱今是愛出海才有出路。

專訪「台灣 Google 第一人」簡立峰(下)放眼國際有感加薪,不該是少數人的專利

Ah 當初 leh se̍h,我有影是無確定冊閣愛買 siàⁿ 才看 kah hiah chē
進前 kānnā 有記這本《戦争めし》,結果 Dlsite 尋無(↑別款網站尋有)



看歷史料理漫畫是親像我對開箱70年前二戰口糧、18世紀歷史食譜台仝款有實用有趣味。



著anne chhòe「戦争」這關鍵詞 soah 發現另外這兩本。



倒pêng 這本《明治陸軍糧食物語》是感覺趣味,伊是用日露戰爭前古意 ē 新兵來去做主角,原本街仔路 beh iau 死可憐不得已做歹,後來意外 hò͘ 陸軍「料理」感動--tio̍h 去做隊內唯一自願兵,ah Dlsite 用台灣IP無法度買(免驚!別款網站買有看有),另外日本政府戰敗廢止戰爭部(陸軍省)這歷史我啞是最近才知,免講宣布戰敗前有過政變(有死人 ah 失敗),另外美國原子彈 mà 有計畫講若無順利會 tán 第三四粒(戰後是美國成立GHQ政府來深化日本民主自由,禁絕軍國主義、改革社會體制、國民意識等。)

正pêng 這本《ディエンビエンフ》是講越戰 ē 故事,畫風表現風格我是 kah意,故事 iau 無讀過,試讀是有意思 ah 這作者啞有去當地做調查 siàⁿ--ê 閣有另外出冊,免講這本狗仔會講「Gâu」(好啦 m̀是 台語,這是越語狗叫聲寫法),作者這系列是已經完結 ah 越戰有影 真chē thānga 講,平民雙方推測死兩百萬、雙方兵仔 mà 死百幾萬,戰後日本工業有影因為越戰來復原再生,對中殖台灣啞有影響,另外有關越戰有影是有親像台人 Teruo Nakamura 中村輝夫 仝款,戰爭結束過十幾年才知--ê 故事,日本北海道 mà 是有戰時強制勞動 ē 中國人走去山頂 bih 十幾冬 m̀知/無相信 戰爭結束 這種代誌。

其實美國當時若大學無讀會 hông 調去做兵,ù 恐怖奇幻小說家因為老母堅持大學愛讀 ah 無去越戰這款代誌,伊尾仔想 mà 是有特別 kà 寫起來,有影影響介大。



《On writing : a memoir of the craft》Tāi譯:《Sutihun Khin 論寫作回憶錄》,我中譯版有讀過部份感覺真好,本底著愛讀自傳類--ê 我感覺是真受用,親像當時歷史、生活、反省這款記錄。



Ah 我連日本海上自衛隊出版料理冊這 tò chhòe著(日本「軍」袂當有,這是「隊」,tuchiah 查啞才知「日本防衛省」是2007年成立,戰後幾十年單位攏是「Agency 局」--niâ)



閣來這兩本是,倒pêng 《乙女戦争》會有趣味是15世紀歐洲歷史背景去創作 ē 故事,講是寫反抗天主教 ē フス戦争(1419~1434,教會改革學者 Jan Hus 受難),簡單寫講是這戰爭致使歐洲部份16世紀宗教改革,這 mà 是歐洲早期開始用手砲銃 ē 戰爭,想起來奇怪,中殖教育無講過宗教改革 ē 背景起因,啞無講過 歐洲部份宗教改革對台灣 ē 直接影響(免講社會科用選擇題做檢驗這有影是世界落伍教育方法),這是有影響--neh,歷史國家規模--ê,對 Netherlands(Nelolian)/荷蘭獨立有影響--mah,這部份先勿論,這改革是解放歐洲各族群開始有辦法脫離拉丁語,透過翻譯聖經無罪(15世紀初英國有學者翻譯聖經判絞刑死)這項「解放」漸漸有環境鼓勵正事用族語書寫創作,建立現代國民國家(nation state),其實宗教改革幼講 m̀na Martin Luther(Matin Lutho)一人,īn 人 真chē 意見 mà,內部衝突 kāliâu 免講,分支更加是(主枝是叫「Protestantism 抗議派),另外人物是當初抗議派之一法國 ē Calvin,伊 ē 主張生出「Reformed派」(勿用伊 ē 名來講,這是 Lutho派反對伊才講 anne,英語世界是用 Reforemed 這詞,咱有影愛 tóe 世界來改用這詞)這便是後來影響台灣真深 ē 英國長老教會,台灣長老教會來台布施、傳教 mà 創辦台灣頭一間報社、新聞 hò͘ 在地人 漢字 免用,世界事 mà 知影這應該免加講--ah hoⁿh,免講 tì 日殖到中殖攏真分明,知影咱人 ē 基本人權愛有,雖講啞是受迫害(日殖無接受教會意見全用台語教育,中殖禁止台灣各族語聖經,我 m̀是 教徒,總--是這有影天理不容)

(其實我有另外簡單去讀「抗議派」是 leh 抗議 siàⁿ,95條這 全體現實腐敗錯誤先勿看,教義這卡無人知來講,天主教會講愛信上帝 mà 愛做好代誌才會入天堂 ah 人閣需要教會傳統來指導,抗議派講信上帝著會上天堂,看聖經著好免教會指導,後來抗議派教會 mà m̀sī
好代誌攏無做--lah,ah 抗議派閣有幾款分支親像頂頭講--ê 是其中一款,這精差是,無心幼讀,我是簡單讀 kah chia--lah。)

講著這戰爭,進前看有歷史台講歐洲二戰後,歐盟前身成立控制炭、鐵產業來互利,最後有辦法70年無戰爭這是以早 m̀bat 有 ē 代誌,結果咱 2022年 歐洲啞是戰爭--ah。若以早閣論,14世紀英國 Oxford大學有特權 kah 市民起衝突幾工仔 tò 死 beh 百人--ah,市民判有罪,賠款+儀式賠罪等,賠600年有。



正pêng 這本《戦争は女の顔をしていない》(У войны не женское лицо/The Unwomanly Face of War: An Oral History of Women in World War II)原是白露西作家寫二戰蘇聯戰區女兵訪問500位以上 īn ē 故事,多次 hò͘ 出版社退稿(1980年代當時蘇聯審查),講實在有影是過30年後作家這本著 Nobel(No͘pelu)文學獎我才有機會知影,我有讀過幾章,其實戰爭這,後來 ē 人真正是愛去讀、去了解才會知影,閣有作家是白露西人,īn 講--ê 語言主要是 kah 一半 Ukraine(Ukhuian) 仝款,若想 beh 了解這篇請一定愛讀 台譯:【二訪】高麗裔烏國背景的學運人士 Oleksandr Shyn (來台就學中)

有關台灣有詳細描述戰爭畫面 ē 歷史漫畫,我今想有--ê 是邱若龍《霧社事件》(1990開始出版 ē 系列,有關歷史,這篇真好:簡化歷史?流行文化中的霧社事件,有論漫畫畫面表現意識、歷史解說作品表現、第二次霧社事件 soah 因仝族相殘這款現實無去深論等,當然文末伊應該是愛寫台灣作家咁是?)另外是最近出版--ê《二七部隊》niâ,ah《聽革命家的歌:革命家陳智雄傳》內是有幾頁描述印尼獨立軍戰鬥 ē 畫面。



最後我冊是買這幾本,選冊 ē 時陣當然是過濾台灣買有--ê、普遍看有 ē 畫風內容等。


《なつこの百名山 百コ登ったどー》這本是漫畫家 tì 個人創作系列外另外出--ê 私人 peh山 經驗冊,這本冊看著進前我是無想過日本 oāná 有百岳這款講法(註1),ah,因為我有關注 一koa 野外活動相關、都市、現代社會生存類--ê 代誌,親像了解社會體系問題(債務貨幣、計畫性報廢、剩/春食等)chiùanne 透過禮物經濟 到 Freegan 來走尋自由,這經驗有實用興趣著有--ah,雖講我是無一款去山林內一切攏輕鬆 ē 體驗--lah,若 kānnā beh 走,靠這是走袂去。



其實我買了後想著去查,有影才發現咱台灣親像最近才出這本 peh山--ê,《超嶽-從心開始的顛峰之旅》,這本 m̀是個人經驗 leh 畫,是有另外包裝做故事 leh 講。

臺灣首部攀登臺灣百岳的登山漫畫出現了!
【專訪】登山創作家莊河源  睽違20年再啟漫畫之路
20年後重燃漫畫魂 莊河源交出首部攀登台灣百岳登山漫畫《超嶽》

『距離上一次出版自己的漫畫作品已相隔20年,沒想到再次投入漫畫創作就是挑戰登山主題。以往國內尚未有畫過登山主題的完整漫畫,剛好天時地利人和,這本《超嶽》能夠在莊老師手上完成。透過書中五位主角,帶領讀者以更生動的漫畫方式遨遊臺灣百岳美景,希望能讓更多年輕讀者願意親近山林、感受山的無窮魅力,這就是對莊老師來說出版這本漫畫最大的收穫。他也想透過這部漫畫來傳遞「超越自己」的精神,他認為爬山過程與現實的人生很像,不管各行各業,都要征服自己的惰性並且超越自己,才能從中獲得達成目標的喜悅。』

『直到這幾年文化部大力推動台灣原創漫畫,給了莊河源重返漫畫之路的契機。他先是應台北市漫畫工會舉辦的「台灣漫畫節」邀請,為重新開始創作漫畫暖身,之後漫畫基地徵選進駐漫畫家,莊河源就是以攀登台灣百岳為主題獲得評審青睞,隨後也以同樣的主題拿到文化部原創漫畫出版補助,終於完成了首部攀登台灣百岳登山漫畫《超嶽1:從心開始的巔峰之旅》,距離上一次他的漫畫作品出版,已經事隔了22年之久。莊河源:『(原音)有點漫畫第二春的味道,就是我以前的讀者會來買我的書,有另外一個他也說,他在學生時代是我的漫畫迷,沒想到20年後還能看到我的新作品。』

『「身為臺灣人,每個人都應該去爬爬玉山。」他鼓勵大家一起跟著他及漫畫主角,走進山林認識臺灣的美。』

註1:「嶽」這甘字典講是「岳」原寫法,日文是記:岳/嶽(たけ),其實我對漢字無特別意愛啞是奇怪信仰,攏無愛用 mà 會使,簡單記錄--leh 有關漢字 ē 發現,地方廟看有。


《二鳥翠 黒谷知也作品集》這是 leh peng 550円系列時看著--ê,ah Amazon JP 有人 leh 講伊觀點特別、有才情,而且這本有三百頁--neh,買--ah。


《夕凪の街 桜の国》這本會買是雄雄發現原來作者《この世界の片隅に》有寫新--ê,所以看著這本講是寫原爆後十年廣島人民生活 ē 主題著,想 beh 來讀,另外有關這種戰後描寫我想有--ê 是《はだしのゲン(赤腳阿元)》,無著是畫戰時 ē《総員玉砕せよ(全員玉碎)》,想著咱台灣這款--ê tò 卡無,故事、文字絕對是有夠額 thānga 生出來--ah(若論台漫,除去頂面有講過--ê 戰役漫畫,今台面有--ê 是笑詼論 roC 軍事主題--ê,歷史感 tò 卡無。)

原底想講愛買漫畫結果無看好買 kah 小說去,ah,無要緊。
(日文冊無完整讀過一本表示)

進寫有關這主題 ē 文+《この世界の片隅に》觀後,當時是小屋舊版格式今看起來怪怪--ah,ah 台文 tu 學 he 寫--ê 閣是一件代誌,當初去ウチナ,到今是無完整寫一篇所有看著--ê 有影,有機會來講啦:
ウチナ・琉球・Okinawa+沖繩平和祈念公園



《児玉まりあ文学集成》這是,畫風 kah 我會畫--ê 有接近,súi!目前讀頭一章論「比喻」有感,算是我少數知影用「文學」做主題去創作 ē 漫畫作品,用對話思考 ē 方式來 chhòa 讀者我是真 kah意,目前系列有三本--ah。



原本這篇是想講Dlsite冊買了著結束,我 soah 開始去想別款日本平台咁有,結果 beh 一禮拜去看去想去整理,最後著這篇--ah,一款遠征筆記?經驗愛傳承!

其實我 mà leh 想,我今寫--ê 這種方式差不多是 kà 菜頭切塊--niâ,一定愛想辦法 kà 我 beh 講--ê 變做菜頭湯 chiah èsài--ah,最後,用幾à年前去日本冊店相片+一隻好狗仔做結。



------



友志共好地圖,歡迎補充&安全台灣網,咱來著安全!Ah 最近好無?(志工募集中)https://bit.ly/3H7qwBR

創作回應

追蹤 創作集

作者相關創作

相關創作

更多創作