主題

2021.09 少年人 ê 民主旅行紀錄-記 se̍h 台灣+反省

Àikhùn細隻龜*台文 | 2021-09-30 21:51:07 | 巴幣 14 | 人氣 52



主文:2021.09 少年人 ê 民主旅行紀錄-記 se̍h 台灣,算真趕

*Bonus:以下旅行部份圖文紀錄+最近反省人生思考。























我開始 leh 想,除去我學生仔做歡喜身體健康無怨嘆--ê,我啞愛想清楚我 beh ánnòa 提供我上有路用有需求 ê 能力來 kah 社會交換,我讀語文帶教育--ê,現況中殖有《國家語言發展法》,ah 夭無平等教育等制度,我真惡去接受,今是有中教學程台灣語文專業學程新出來,若以後研究所通去是真好,ah 阮校到我最後畢業這段時間是 kanna 有小教,小教有一節「國音講話」必修到今是無愛改,伊繼續強教中國語無承認台灣各族語是國語去提供課程,當然,論真講,免想嗎知這種 先生教師 ê 額 kah 需要是愈來愈無

Ah 傳統媒體是另外對我感覺卡短期 ê 路,進前看是台語台、華視、民視,整體額少,台文本科卡多是幕後先做,進前 mā 有過主播比賽,待遇對一般大學文科 tú 畢業算好是有通到 4萬 ,總--是有聽著內部員工態度狀況乎我會認為生(心)態無健康,無 tō 是在地電台/電視台等我卡無清楚--ê,我想對台文來講這 ê 時陣需要繼續組織,各種有台語台文--ê 攏是有組織機會 ê 所在

媒體今若愛台文「有 leh寫」,我看今無中殖預算補助是無法度,自媒體/民間無大,有組織 kah 通講是主流,若愛個人做藝術講故事--ê,感覺是一定愛用英語去世界講 chiah 有出脫,足多百萬千萬訂--ê 攏是分享簡單出發 ê 私人故事,當然水準愛有,另外對探討世界使用語言有興趣請看:#拒絕中語有競爭力論 #摘回覆,論真講咱這陣用台文,對現此時箍仔外只通講是卡進步(無褒),體制、系統若無建立大部份攏會是箍仔外,加哉2021年--ah,我想咱是有多多機會真好來發展新 ê 出路

所以我啞無真確定我做 siàⁿ 上有路用,準畢業生明年研究所若有 mā 愛有通配合 ê 頭路,有想講我物件算是看卡多,若有人愛自學(設計、畫圖、影片、程式基礎、科學知識等)我是通用我 ê 經驗 kā 你鬥尋資料教學來看,YT用英語看免講教學是多多多,感覺英翻無講真有人需要,若需要 mā 是會使--lah,免講有各種創作者,進前我真愛看恐怖故事用動畫啞是口述搬,ah 另外我有 leh 整理上早 ùi 高三舞到今這幾ā年有看--tio̍h ê 台灣資料,主要這兩份,內有幼分類

The wings of Formosa 許多從夢中醒來的掙扎,應該只有台灣人能體會?(資料大電腦看較順)https://goo.gl/KSUJgq

補足台灣語文化脈絡, 許多從夢中醒來的掙扎,應該只有台灣人能體會?
https://goo.gl/YNiEFq


目前通講 ê 能力&計畫:
台語中高、客語中級、日語...(準備N2中)
英語Toeic 845(我真正 tū爛 大學這款檢定要求,
倡議考試 pùnsò 參考冊我是一頁無摸,報名要求我改名到考場狀況啞無乎我失望)

大學本科台灣語文學(語言、文化、文學等初步了解,我認為是初步--lah)
定定思考了解語言語詞由來組成,不時探查世界語文化做筆記中



3D 畫圖 :完成30工新手教學了後發現無3D影印機無路用,無法深學,不知咁有人興趣做伙分器材材料到研究等?當然,對科普了解世界運作有興趣有目標是真要緊



畫圖:新手,有意識 ùi 基礎美術(fundamental art)開始學,四界收集參考中



影音:平常時會看教育性影片、生態創作到思考了解如何有效率去表達故事,進前有做簡單 sńg Game--ê 啞是臨時衝動做 ê 配音到 hng歌, ah 無法忍受普遍無效率無聊無意義 ê 語文教育,清單中有計畫簡單做一齣這款類 ê 主題來講,以後可能會用簡單畫動畫等 ê 方式來講各種故事



做 pháng:Ùi 照食譜無加想到最近一兩年開始了解各材料功用到比例等等影響中



若有人對我會曉--ê 有需要、有推薦 ê 路用 mā 歡迎留話寫批!

我平常時會寫--ê 是生活想著--ê,觀察發現--ê,長文
卡無
先開一 ê 用 Paypal 支持 ê 平台,chiah 看 ánnòa 做卡好
Ku龜--ê。Tâibûn台文:https://ko-fi.com/kuetaibun(Ko-fi 創作者平台)

若講理想是,台灣自由,mā 乎我自由--lah,自由 ê 路真闊,方式真多
今 leh 想愛來 PO se̍h 台灣拜訪 ê 青草(仔)茶...

創作回應

相關創作

更多創作