主題

【Funbid日本代bid代購服務】使用教學與心得

月火 | 2021-07-14 15:37:45 | 巴幣 2 | 人氣 620

身為熱愛日本模型公仔既玩家,以前通常會去到信和、深水埗玩具街搵商店預訂,但越黎越覺得價錢貴、到貨時間亦唔固定,有時話一個月會到貨,最後變左兩個月,呢D情況成日發生v__v。我亦試過自己上日本網買模型,但因為我學日文既時間唔長,同日本既賣家會有溝通上既問題。
後來台灣既朋友向我介紹左一間台灣一站式既日本代購bid代購網站,叫做樂淘。佢舊年係香港開左分公司,叫做【Funbid】,直接係上面就可以bidding日本Yahoo拍賣既產品、或是係其他日本網店買野。試左幾次之後,真心唔錯。Funbid唔止運送速度快、客服人員都幾有耐心,加上收費透明合理,唔怕比人搵笨,最重要既係佢地有自取點,我本身就係中環返工,直接過去拎貨超方便,仲可以慳返順豐速遞既運費。

Funbid優點總整理
1.  優惠幾乎全港最抵
服務費:只要20蚊,平過好多代購網店或者私人代購商,而且一個月買夠10件以上,funbid就唔會再收我服務費。
運費:會送一張KG空運免運券,(空運目前每0.5KG/25蚊,用呢張券直接慳返150蚊港幣)
本地運費:Funbid在港內既配送係同順豐合作,但Funbid而家係中環有自取點,所以我收工果時會順便過去自取,唔洗再額外比速遞費用,拎貨既時候可以即場驗貨,有問題可以即刻請櫃檯姐姐處理。
獨家合作賣家:Funbid有超過60間既獨家合作賣家,係呢D合作賣家到買野,免服務費之餘,仲慳埋日本當地運費。
2. 額外優惠
推薦碼:將自己既推薦碼比朋友係註冊既時候使用,可以再額外獲得Funbid購物金或禮券,而且一次會比到50蚊,都算幾有誠意。
開箱文:只要去論壇分享開箱,最多再獲得200蚊Funbid購物金或者百佳禮券,我係呢個活動賺左吾少回贈XD
其他活動:佢地仲有經營FB社團,我有關注開佢地,周不時會見到社團舉辦可以拎購物金既活動。
3.   Funbid服務與保證
國際運送方式:目前國際運送方式有空運或者日本郵局海運可以選擇,如果好似我咁會買好多模型,就可以揀返日本郵局海運,雖然運送時間比較慢,但運費會比較平。
港內運送方式:如果吾揀自取就可以用順豐速遞(Funbid會幫手縮箱,順豐既運費會平D,呢個服務幾貼心),揀自取既話就吾洗錢,佢地係中環有自取點。
付款方式:第一個方法【專屬帳號】︰註冊登入後到【我要匯款】,裏面會有一個專屬你既個人匯款帳號,可以透過銀行過數,ATM過數,E-banking過數俾Funbid;第二個方法【轉數快FPS】增值︰同樣係登入後到【我要匯款】,裏面有一個增值QR code,直接掃QR code就可以增值。但用呢個方法增值,系統會自動產生0.8%金流手續費。
我個人會比較建議用第一個方法,因為唔會增加額外既手續費,慳得就慳呀嘛。
香港客服:客服全部都係香港人,如果發現產品有問題,只要寄返去中環自取點就會有專人處理,令人覺得好放心。
四大保證:商品未到貨全額理賠、賣家商品寄錯全額處理、商品運送損壞全額理賠、百分百透明化的費用。呢D係官網上面寫既保障,我之前有一次買模型,有損壞既情況,最後Funbid的確有全額賠返俾我,呢方面真係值得信賴既。另外Funbid既匯率係跟住市場調整,唔怕佢亂開匯率。

兩段式收費:
>第一次付款包含:產品價格+服務費
>第二次付款包含:日本銀行匯款手續費+日本當地運費+國際運費+港內運費
4. 日本Yahoo代bid技巧:
同步日本競標:只要註冊Funbid帳號就可以同日本人同步競標,得bid後先需要俾錢。
賣家評價:如果賣家評價低於50分、綜合評價低於98%、負評超過50個。要留意返,呢三項都唔包括係Funbid四大保證範圍內。

(禁入去可以見到詳細既評分資訊)
落bid後唔可以棄標:因為棄標後賠錢,所以要睇好曬先好出價落Bid呀~
直接出價/最後出價:Funbid有最後出價功能,所以可以直接放你接受到既最高出價金額,結標前6~8分鐘會幫你做最後出價。
5.  日本代購技巧:
所有網站其實都能買:原本以為只可以買日本Yahoo購物和日本樂天既產品,後來台灣朋友提醒我,只要將其他日本網店既網址貼到Funbid搜尋bar果度,就可以代購其他日本網店既產品。(後來我就狂去駿河屋買模型~XDD)
6.   個人使用上的小訣竅
注意存倉時間:目前自取可以放7日,要注意放超過7日會加收費用,短時間內買大量既產品,有機會可以一次過拎到兩班機運黎既包裹。
注意賣家出貨地點:Funbid既日本倉庫係神奈川,通常商品距離神奈川越近,日本運費就會越平,但有D賣家會故意降低產品費用,然後將運費寫到好高,呢一點要留意返,唔好俾人呃。

總結一下:日本代bid代購直接搵Funbid真係又方便又抵,有專業既服務品質,完全嬴過其他網站或私人代購商,加上有遺失損毀保證,市場上應該好難可以搵到咁完美既日本代購網站了。

創作回應

sally_1022
我岩岩想註冊,睇到Funbid有好友推薦活動,用推薦碼註冊後買野會送禮券,你會不會有推薦碼可以比我註冊呀?
2021-07-20 14:25:51
月火
WBETQkEbX7
2021-07-22 13:52:22
sally_1022
多謝曬~~
2021-07-26 14:45:55

相關創作

更多創作