第十五章～守秘密
傾傾下，話咁快已經十點幾。舖頭都仲係冇乜人，正確嚟講，應該係只得我一個顧客。
我：「喂，不如我幫你宣傳下間舖頭啦！」
芷嘉：「你衰啦！啱啱先講完唔鐘意我，轉過頭擔心我都有嘅。」
我：「咩呀？我擔心以後冇免費野食咋！」
芷嘉：「咁你宣傳嚟做咩啫？一有生意做，我肯定要你俾錢。」
我：「咁我驚呢間舖執啊嘛！」
芷嘉：「咁你大可以放心，我死呢間舖都未死。」
就咁，我哋為咗呢個問題爭論咗好一陣子，就如同情侶一般地打情罵悄。
突然，
芷嘉：「羅Sir，可唔可以幫我守一個秘密？幫我守著今晚喺度發生嘅一切同埋呢間舖頭嘅存在。」
我想講....呢啲叫兩個秘密。而且.....守秘密嗎？我可不太擅長喔！
~~~~~~~~~~~~
詠芝：「幫我守個秘密啊！羅賓。」
我：「上上下中文堂無啦啦守咩秘密啊？！」
詠芝：「Sor」
等到落咗堂之後，佢好神奇咁捉住咗我個....衫袖。
詠芝：「而家落咗堂啦，可以答我未？」
我：「守咩秘密先得架？」
詠芝：「我鐘意咗個人呀！」
我：「唔會又係我㗎可？」
詠芝：「咪玩啦！今次我好認真㗎！」
我：「咁係邊個呀？我識唔識㗎？」
詠芝：「佢個名叫魏文博，佢又好人又溫柔.....」
我：「得，我大概都了解到佢係一個點嘅人，呢個秘密我實守好。」
不幸嘅係，喱幕俾陳庭佳見到。
於是，第二日返到去課室，陳庭佳行咗埋黎。
佳：「喂，其實你琴日同詠芝講咩？」
我：「無可奉告喎！」
佳：「講啦！」
我：「我應承咗佢唔講得㗎！」
佳：「你唔講......咁算啦！」
竟然咁順灘？！唔似佢喎。
結果，佢即刻擰轉頭大嗌：「喂大家，原來詠芝佢鐘意隔離B班個魏文博㗎！」
乜你琴日原來乜都聽到晒㗎！
只見全班嘅目光由原本嘅四圍望，全部集中到詠芝張枱到，而詠芝，就臉紅到好似一個蘋果。
最後，詠芝理所當然咁因為我洩密而怒視我，而陳庭佳都喺放學後，受到應有嘅處罰。（我可是用盡全力打下去的）
因為呢次失敗嘅經驗，所以我決定以後都要守好其他人嘅秘密。
話時話，咁唸嘅話，我都唔係罪魁禍首，至少唔洗我負晒全部責任。
我因為咁唸，所以應承咗芷嘉幫佢守秘密。
亦都因為我應承咗芷嘉，所以先有咗之後嘅事。
~~~~~~~~~~~~
喺芷嘉向我表白之後嗰日，唔知點解好似怪怪地。好多學生喺我去芷嘉嗰班上堂嘅時候，圍鬼住個課室。
好奇嘅我行咗去問一個圍觀嘅同學。
我：「喂同學，你知唔知點解佢哋會圍住個課室啊？」
嗰位同學：「因為佢哋聽講芷嘉琴日同一個啊Sir表白啊嘛！」
唔係啩，咁快比佢哋知道？！唔通我今次又守唔到秘密？但係為咗防止我又洩密，我由琴日開始到今日都未同過任何人講過野。
咪住，如果好似之前咁點算？一定要查到係邊個傳出黎嘅。
我抱住呢種懷疑之心，浩浩蕩蕩咁前往查案之路。
創作內容
第十五章～守秘密
望山的女孩(廣東話口語) (22)