第十四章～我有少少鐘意咗你啊
芷嘉：「羅Sir，其實呢.........」
我：「嗯？今次又有咩事呀林小姐？」
其實呢，哩個其實已經某程度上黎講係芷嘉嘅口頭蟬黎㗎啦！無論之後佢要講啲乜，小至叫人請佢食飯，大至人生前途。總之，只要係佢講出黎嘅，就會有哩句口頭蟬出黎。
芷嘉：「其實.....啊Sir，我有少少鐘意咗你呀！可唔可以俾個機會我......俾我做你女朋友啊？」
我：「......好啊！」
就係咁，我同芷嘉幸福快樂咁成為咗情侶。
~~~~~~~~~~~~
編輯：「你寫的這是甚麼狗屁玩意！！不是說好不寫師生戀的嗎？！」
我：「我冇寫呀，我都冇寫浪漫場面，淨係寫咗結果咋嘛。」
編輯：「同我改咗佢。」
我：「…………」
~~~~~~~~~~~~
我：「......好啊！」
就係咁，我同芷嘉幸福快樂咁成為咗情侶。
雖然我好想應承佢，但係畢竟我係一個老師，師生戀喺我嘅道德標準中係不被允許嘅。
所以......
我：「......吓，你講咩話？你就考DSE㗎啦，唔好亂唸嘢啦！」
芷嘉：「.......喔.......」
咁就啱啦！年青人就應該好好俾心機讀書，唔好搞啲咁嘅野。
芷嘉：「咁唔好講我同你啦！不如我哋講下你嘅戀愛史啦！點解你咁大個人仲係A0㗎？」
嘩，呢個問題真係問出咗精粹。
我：「你真係咁想知？」
芷嘉：「嗯！」
我：「其實係因為我唔識睇情況做人。」
如果當初我識睇情況做人，我估而家已經同詠芝結咗婚啦！
咪住先，我係A0呢樣野淨係同我班3D講過咋喎！唔通......
芷嘉：「幾唔識法啊？洗唔洗我黎幫你手吖？」
我：「唔洗。」
創作內容
第十四章～我有少少鐘意咗你啊
望山的女孩(廣東話口語) (22)