修身、齊家、治國、平天下。先修身、齊家……今朝同阿媽小嘈交……
1. 佢話我拎左個鹽「arn」出黎,唔收返好。
2. 之後話個士巴拿拎左出黎,擺左喺個煲隔離、亦係螺絲批隔離。
3. 之後話有本書喺地下。
當然,我「周圍」擺野係有原因……亦千祈唔好將我啲野亂放,或「收好」。因為轉頭我會唔記得要做啲咩。
1. -> 用黎去黑頭,另每朝加熱水洗鼻
2. -> 士巴拿用黎整滑板
3. -> 本書係要放落地,太重。另要提自己每日睇一章(擺喺角落頭位,唔太阻人)
------------
求人先求己。為減少無謂嗌「sharp」。阿媽嘅部分行為,我唔可以太放在眼內。譬如佢會喺床上……譬如佢好似爛左嘅收音機,問/講兩次同樣嘅野。我想執屋,因為我地買得太多野,尤其佢。其實我何嘗唔係。只係覺得自己嘅野比較有價值。都係喺我自我中心嘅眼中……我會儲CD、VCD、DVD、書、雜誌。佢會儲廚具,佢唔叻煮野食,雖則好過我。佢會買「減價貨」,部分真係平左嘅……
其實佢都係買黎比大家食,只係數量太多,屋企變左迷你倉,見到就有啲眼冤……佢會買埋啲野唔用,然後收埋……可能部分係唔岩用,不過我地可以定期清一清……一兩年、幾年一次大掃除。
好,嚴以律己。我先執自己野。