杜如風小姐,佢真係好好笑。A小姐介紹我睇佢以前嘅節目,我睇左唔知幾多集《流行東京》,套片舊舊地,2007年8月25日至2008年1月6日,有啲無心機睇……:P 日本確係千變萬化,二來節目中介紹嘅買衫,我唔會買,貴,大牌子嘛;食野,貴少少我諗我都未必食;P 生活雜貨,屋企啲野成座山咁高(可以執啲空間出黎嘅,需要時間同面對過去)……
我認識杜如風係上年年頭,睇左以下節目︰
2015年1月5-16日:流行首爾(共10集)(無綫電視翡翠台)
2015年7月6-17日:東京攻略(共10集)(無綫電視翡翠台)
2016年1月31日:東京攻略の新年番外篇(共1集)(無綫電視翡翠台)
2016年4月25日-5月6日:関西攻略(共10集)(無綫電視翡翠台)
《流行首爾》有啲嚇親我,杜如風似乎唔在狀態,印象中表情有少少唔自然同說話比較慢。對我問題唔大,一向喜歡講野慢嘅人,自己都係呀嘛。其他節目似乎做返平時嘅佢,我亦習慣佢如此直率、如此kai。然後,慢慢我變成佢嘅粉絲,好開心迎接《東京攻略》,心諗依輯仲唔係為我而設,當時正擔心日本之旅,而東京正係我地嘅中心點。
《東京攻略の新年番外篇》,我嫌佢得一集咁少。《関西攻略》,B小姐提我睇,我地一直以黎嘅羈絆—日本,由以前嘅周子駒同黃宇詩主持嘅《Iki Iki東京速遞》(我地中四、中五時),講到家下,哈哈哈XD 佢講完依單野,喺WhatsApp就消失喇,衰妹(有啲人喺WhatsApp唔多應人,真人就正常返……知道有依類人就好了,放鬆)。
《関西攻略》播嘅時候,岩岩我喺京都、大坂,杜如風行邊,我就行邊XD 節目亦來得及時,5月我自由喇,好多時一個人,好多感受,又喺時候好好面對自己。杜如風令我refresh。呀,原本想講佢3本書,近排有啲啲得閒,提振心情佳品。借左兩本—《風行風語》同《風行風語4》,一日內KO^^ 部分內容幾kai,之前睇嘅係《風行風語2》。
《風行風語》︰麥當勞叔叔
話說杜如風係Costume Queen,今次佢麥當勞叔叔(睇上圖XD)上身。佢話︰「最遺憾係由於要化呢個妝化咗好耐,趕唔切去麥記走一轉!本來諗住扮到咁走入去麥記呃包薯條坐低堂食(着到咁唔係仲要我俾錢買吖嘛?) 然後再去KFC買雞食!可惜唔夠時間,下次先啦!」
《風行風語4》︰地獄與天國
喺梁朝偉《聽風者》嘅首映會上,「我就化身成一個女色魔,一手拉着他的手臂︰『影張相得唔得呀?』他第一個反應竟然是︰『嘩,你做乜肥左咁多呀?減吓肥先啦!』又寸我!但小弟確實是非常受落他對我說這番貶到落海底泥的說話!Why!因為好明顯佢有留意我……」佢之後講喺過去20年,梁朝偉見過佢500次以上……!